Kuch to Ho

Behte palon ka kinara to ho
Yaadon ka hi, kuch sahara to ho
Jo socha ki ab yun miloge nahi
Bhulane ka koi bahanaa to ho

Kaha tha kisine hamein bhi kabhi
Ki laa denge chanda or taare sabhi
Ab andheri raaton mein bhatke hue
Ek nanhi si lau ka nazaara to ho
Yaadon ka hi, kuch sahara to ho

Nahi kahte hum ki badhao yeh baat
Nahi kehte tumse chalo saath saath
Bas ek baar humko pukaara to ho
Kabhi pyaar se sir sawaara to ho
Yaadon ka hi, kuch sahara to ho
Jo socha ki ab yun miloge nahi
Bhulane ka koi bahanaa to ho

Haunted.Hunted.Hurting